Свята роднай мовы
21 лютага адзначаўся міжнародны дзень роднай мовы. У Галубаўскай базавай школе свята было арганізавана так, што да беларускай мовы дакрануўся кожны вучань.
Напярэдадні былі праведзены інфармацыйныя гадзіны, прысвечаныя дадзенаму святу, гульня-конкурс “Буслік”.
У школе да дня роднай мовы наладжана выстава “Гучы, мая родная мова!”, дэманстраваўся відэаматэрыял “Родныя краявіды”, гучала беларуская народная музыка.
Свята “Родная мова, матчына мова!” атрымалася цудоўным. Яно было не толькі вясёлым, але і вельмі карысным. Дзень роднай мовы стаў асаблівым для кожнага.Дзеці ўсвядомілі, што нам у спадчыну дасталася ўнікальная мова – жывая і мілагучная, песенная і паэтычная, старажытная і сучасная.
